Қарақия ауданында азық-түлік бағасының өсуіне бақылау күшейеді

Қарақия­ ауданында әлеуметтік­ маңызы бар азық-түліктердің баға­сын бақылауда ұстау, оның ішінде белгіленген әлеуметтік нанның бағасын тұрақты ұстау мақсатында­ арнайы жұмыс тобы құрылып, тиісті­ шаралар алынуда. Аудан әкімінің орынбасары Сымбат Төретаев, аудандық кәсіп­керлік­ және өнеркәсіп бөлімінің бас­шысы­ Алия Әбдіхалықова бастаған жұмыс тобы Құрық ауылы бойынша «Ырысбибі», «Райым», «Нур», «Эрхат» супермаркеттері мен «Бауырсақ» наубайханасына барып, түсінік жұмыстарын жүргізіп­, нан бағасын 85 теңгеден асырмауды ескертті. Сондай-ақ аудан бойынша 5 наубайханамен келісім-шарт жасалып, аталған нанның дүкендерге берілетін бағасы 80 теңгеден­ асырылмайтын болды. Нәтижесінде 7 қарашадан бастап ауданға қарасты барлық елді мекендерде­ белгіленген әлеуметтік нанның бағасы 85 теңгеден асырылмай сатылатын болады. Сондай-ақ осы бағытта өткен жексенбі күні Ақтау қаласындағы «Асар-С» базарымен келісім нәтижесінде­ Құрықта жәрмеңке ұйымдастырылды. Жәрмеңкеде жеміс-жидектер мен көкөністер қолжетімді­ бағада сатылды.

Шынар КЕНДІН