Елордада 2007 және 2010 жылы туған жасөспірімдер арасында өткен дәстүрлі садақ ату республикалық сайысынан Қарақия аудандық балалар және жасөспірімдер спорт мектебінің шәкірттері алтын, күміс және қола медальдарды еншіледі. Бұл туралы Қарақия аудандық мәдениет, дене шынықтыру және спорт бөлімінің басшысы Дүйсенбай Атағараев мәлімдеді.
Оның айтуынша, республиканың барлық өңірінен үздіктер қатысқан атбегілік, садақ ату спорт түрлері бойынша өткен ашық турнир Қазақстан Республикасы ұлттық спорт түрлері қауымдастығының ұйымдастыруымен өткен.
- 20 метр қашықтықта аттың үстінде жамбы ату сайыс түрінен Айбек Ораз баламыз қола жүлдеге ие болса, Айдар Әділгерей Қазақстан Республикасының чемпионы атанды. 20 метрден аттың үстінде фита нысанасын ату бойынша Бөлекбай Шектібай есімді спортшымыз ІІ орынды жеңіп алды, - деді Дүйсенбай Атағараев.
Айта кету керек, ұлттық спорт түрлерін кеңінен насихаттап, жастарды спортқа баулып жүрген жамбы ату спорт түрі бойынша Қазақстан Республикасы чемпионаттарының жүлдегері Ертірек Жеңісбек есімді қарақиялық азамат.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
