Қарақияда IT-компьютерлік қызметті тегін көрсету орталығы ашылды
[ 2019 ] 2 тамыз, 14:55 | Қоғам
"Zhas Project" жастар корпусын дамыту жобасының кезекті жеңімпаздары бүгін аудандық кірістер басқармасы ғимаратында "IT-компьютерлік қызметті тегін көрсету орталығын" ашты. Ел игілігіне арналған ізгі істің ашылуына Құрық ауылының әкімі М.Төлегенов, аудандық ішкі саясат және тілдерді дамыту бөлімі басшысының міндетін атқарушы Ә.Ермұқанов, Атамекен кәсіпкерлік палатасы Қарақия аудандық филиалы және Кірістер басқармасының қызметкерлері қатысып, жаңа жобаға сәттілік тіледі.
"Жобамыздың мақсаты - кәсіпкер ретінде тіркелген зейнеткерлерге, аз қамтылған және көпбалалы отбасыларға, мүгедектерге ақысыз қызмет көрсету. Жалпы мұқтаж жандарға қажетті компьютерлік көмек, электрондық анықтамаларды алып беру, ксерокөшірме жасау сияқты қызметтерді жасап береміз",- дейді жоба лидері Айдана Іңірбаева.
Топ құрамында Амир Алтай және Алтынай Маширова атты әріптестері бар. Сондай-ақ аудан әкімі аппаратының мемлекеттік көрсетілетін қызметтер жөніндегі бас маман А.Жумағалиева жобаның ашылуына қатысты. Ол аталған қызметті көрсету жолдарын түсіндіріп, тұрғындарға жадынамалар таратты.
Айта кетейік, дәл қазіргі сәтте облыс көлемінде цифрлық қызмет көрсету сауаттылығын арттыру, кадрларды оқыту бойынша ауқымды шара басталып жатыр. Құрық ауылында 5 тамыз күні өтеді деп күтілуде. Жоба қызметін одан әрі нығайту үшін, аталған семинарға қатысуға топ мүшелері шақырылды.
Шынар КЕНДІН
1392
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
