Сыбайлас жемқорлыққа қарсы комиссия отырысы өтті

Маңғыстау облыстық әкімдігінде әлеуметтік сала бойынша облыс әкімінің орынбасары Мақсат Сқақовтың төрағалығымен сыбайлас жемқорлыққа қарсы күрес жөніндегі комиссия отырысы өтті. Жиында Мақсат Нұрлыбекұлы денсаулық сақтау, білім беру мекемелерінің және қала әкімдігінің сыбайлас жемқорлыққа қарсы жүргізген шараларының есебін тыңдады.

Бірінші болып сөз алған Маңғыстау облыстық ден­саулық сақтау басқармасы басшысының даму жөніндегі орын­басары Күлән Әмірқызы денсаулық сақтау саласындағы сыбайлас жем­қорлықпен күресу бағытында нен­дей істердің атқарылып жатқанына тоқталды.

Былтыр халыққа 7 түсіндірме жұмыстары ұйымдастырылып, 20 семинар, 11 дөңгелек үстел өткен. Ақ халаттылардың сыбайлас жем­қорлыққа баруының алдын алу мақсатында жұмыс компьютерле­ріне арнайы фондық суреттер қо­йылған. Биыл облыстық денсаулық сақтау басқармасы дәрігерлер мен халықтың сыбайлас жемқорлық фактілеріне жол бермеу үшін арна­йы ролик түсіруге кіріскенімен, кон­курс қорытындысы әлі шықпапты.

Өткен жылдан бері денсаулық сақтау басқармасы сыбайлас жем­қорлық фактісі бойынша 8 адамға тәртіптік шара қолданған.

Маңғыстау облысының білім басқармасы басшысының балалар құқықтарын қорғау және тәрбие жөніндегі орынбасары Айжақсы Жылқыбайқызы пара алу және бе­румен күресу үшін «Адал ұрпақ» еріктілер клубы құрылғанын және оған белсенді, оқуда озат оқушылардың тартылғаны туралы айтты. 2017 жылдан бастап басқарманың сенім телефоны жүйелі жұмыс іс­тейді. Соның нәтижесінде был­тыр жемқорлық туралы 10 дерек, биыл 7 дерек анықталып, шара қолданылған.

Қызметін асыра пайдаланған бі­лім беру саласының 2 қызметкері­нің үстінен қылмыстық іс қозғалып, мемлекеттік қызметтен өмір бойы шеттетілген.

Ақтау қаласының әкімдігінде әлеуметтік саладағы жұмыстардың атқарылуында сыбайлас жемқор­лыққа жол бермеу үшін арнайы штаб құрған. Штаб ҰОС арда­герлері, мүгедектер мен тұрмысы төмен отбасыларға баспана беруде пара алу және беру фактісінің бол­мауын бақылайды.

Баяндамашылардың есебін тың­даған облыс әкімінің орынбасары Мақсат Сқақов жемқорлықтың біз­дің қоғамдағы өршіп тұрған мә­селе екенін қатаң еске салып, оны­мен күресу үшін тиімді жүйелі жұмыстар жүргізуге тапсырма бер­ді.

Тойгүл НҰРЖАНҚЫЗЫ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.