Қоғам белсенділері Форт-Шевченко атауын ауыстыруды ұсынды

Өңір басшысы Серікбай Трұмов Түпқараған ауданына жұмыс сапары барысында ауыл тұрғындарын жеке-жеке қабылдап, бірқатар қоғам белсенділерімен кездесті, - деп хабарлайды mangystaumedia.kz сайты Маңғыстау облысының әкімдігіне сілтеме жасап.

Еркін форматта өткен кездесуде азаматтар аудандағы шешілуі тиіс өзекті мәселелер туралы ашық пікірлерін ортаға салып, ұсыныстарын жолдады. Қоғам белсендісі, блогер Уайс Ерсайынұлы өңір басшысымен кездесуде Форт-Шевченко атауын ауыстыру және аудан орталығына Ақкетік атауын беру жөнінде және Сайын Шапағатов, Ақшұқыр ауылдарының теңіз жағалауы аумағында туризмді дамыту бағытында жобаларды іске асыру жөнінде ұсыныстар тастаса, ардагер ұстаз Гүлсім Рамашева Баутин ауылында орналасқан өндірістік кәсіпорындардың ауылдың әлеуметік инфрақұрылымын назар тыс қалып отырғандағын айтып, облыс басшысынан ықпал етуін сұрады.

Ал, қызылөзендік белсенді Назар Түйешиев ауылдың дамуына ықпал етіп, жаңа жұмыс орындарын ашуға бағытталған тың ұсыныстарын жолдады. Күрең Медеуова ауылдың жағажай аумағында тұрған әлеуметтік нысанды сенімгерлік басқару арқылы алу жайында сөз қозғады.

Өңір басшысы Серікбай Өтелгенұлы айтылған барлық мәселенің өзекті әрі орынды екендігін айта келе, бақылауға алынатындығын айтып, жауапты тұлғаларға тиісті тапсырмалардың берілетінідгін, кей сұрақтардың қосымша пысықтауды қажет ететіндігін айтты.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.