Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Түпқараған ауданының жас сарбаздары VI Республикалық «Айбын-2020» әскери-патриоттық жарысына қатысуда. Бұл туралы Маңғыстау облысы Түпқараған ауданы қорғаныс істер жөніндегі бөлім бастығы Нұртай Тобанов мәлім етті.
Оның айтуынша, Ақшұқыр мектеп-лицейінің «Альтаир» әскери патриоттық клубынан 15 оқушы «Айбын-2020» VI Республикалық әскери-патриоттық жарысына қатысуда. Онлайн форматта бастау алған сайыс 28 қыркүйек пен 30 қараша аралығында 7 бағдарлама бойынша өтеді.
«Жас сарбаздар физикалық дайындығы, АК-74 қарауын бөлшектеп жинау, газқағарды және қорғаныс киімдерін жылдамдықта киіп-шешу және жас сарбаздардың ой-өрісін дамыту мақсатындағы зияткерлік ойындар арқылы бақ сынайды. Еліміздегі карантин жағдайына байланысты облыс атынан әскери жарысқа қатысып жатқан оқушылар өз жұмыстарын бейнежазбаға түсіріп, ұйымдастырушыларға жібереді. Жарыс талабына сәйкес қорытынды жұмыс сол бейнежазба бойынша бағаланады», - деді Нұртай Тобанов.
Еске сала кетейік, «Альтаир» әскери патриоттық клубының жас сарбаздары «Айбын-2019» патриоттық жарысында жекелей жарыстар аясында жүлделі орындарға ие болды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.