ҚР Тұңғыш Президенті Н.Ә.Назарбаевтың «Рухани жаңғыру: Болашаққа бағдар» бағдарламасының «Тарихқа тағзым» онкүндігіне орай түпқарағандық оқушылар жаяу жорыққа шықты. Бұл туралы mangystaumedia.kz сайты Түпқараған ауданы әкімдігінің баспасөз қызметіне сілтеме жасап хабарлайды.
Шараға М.Горький атындағы мектеп-лицейінің «Жас турист» үйірмесі қатысты.
«Жаяу жорық - спорттық туризмнің бір түрі. Негізгі мақсат маршрут бойынша белгілі бір аймақтан өту болып табылады. Оқушыларым І категория бойынша ұзақтығы 8 тәулікте 145 шақырымды жүріп өтті. Жаяу жорық арнайы көлікті қажет етпейді, кез-келген аумақ бойынша жорықтар ұйымдастыруға болады», - деді «Жас турист» үйірмесінің жетекшісі Біржан Жұмашев.
Жаяу жорыққа қатысқан оқушыларға спорттық туризм федерациясынан 3 разряд дәрежесі беріліп, республикаға жолдама алды.
Айта кетейік, Түпқарағандағы М.Горький мектеп-лицейі жаяу жорықты ұдайы ұйымдастырып келе жатқан тәжірибелі білім ошағы ретінде танымал. Бұл бағытта республикалық байқауларда жүлделі орындар иеленген.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
