Ақшұқырда 160 орындық спорт кешені салынып жатыр

Ақшұқыр ауылында 160 орындық дене шынықтыру-сауықтыру спорт кешені салынып жатыр, деп хабарлайды mangystaumedia.kz.

Құрылысы қарқынды жүріп жатқан спорт кешенінің жұмыс барысымен өңір басшысы С. Трұмов Түпқараған ауданына жасаған жұмыс сапарында танысты.

Жоспар бойынша кешенде спорттың 11 түрімен оның ішінде футбол, волейбол, баскетбол, қазақша күрес, дзюдо, бокс, гимнастика, асық ату, садақ ату, тоғызқұмалақпен айналысуға болады. Спорт кешені алдағы күз айларында халық игілігіне беріледі деп жоспарланып отыр. Кешенде 22 жаттықтырушы жұмыс істейді.

Құрылыс жұмыстарын аралаған өңір басшысы Серікбай Трұмов: "Кешеннің сапалы болуын ең басты назарда ұстауымыз қажет. Бұқаралық спорт - халық денсаулығының кепілі. Спорттағы жетістік атаулының баспалдағы", - деді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.