_bzmldzWiBkuVnoFMBR6V24K4y2WIbM.jpeg)
Құрық ауылының тұрғыны Кенже Көреғұлов өз қаражаты есебінен "Сурет салу" үйірмесін ашты, деп хабарлайды mangystaumedia.kz.
Кенже Көреғұлов Алматы қаласындағы "Абай атындағы Қазақ ұлттық университетінің түлегі.
"Үйірмені ашқаныма 3 айдай болды. 7-11 жас аралығындағы 12 балаға бейнелеу өнерін үйретудемін. Қысқа уақыт ішінде шәкірттерім қарындаш, акварель, гуашь, майлы бояумен сурет салуға көшті. Негізі жасқа байланысты шектеу жоқ, ниеттенген адамдарға үйретемін", - деді ол.
Кенже Көреғұлов 250-ге жуық картинаның авторы. Бүгінге дейін аудандық мәдениет үйінде және Ақтау қаласындағы Әлем галереясында жеке көрме ұйымдастырған.
"Болашақта сурет үйірмесімен тоқталып қалмай, ағаш бұйымдарын жасау, құмыра жасау үйірмесін ашқым келеді", - дейді ол.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
