Қондырғы Сайын Шапағатов елді мекенінде орналасқан. Жақын арада жаңбыр жауады деп күтілуде, деп хабарлайды mangystaumedia.kz сайты.
Қондырғы – «Clear Sky Manager-5» деп аталады. Мамандардың айтуынша, жаңа технология бір апта көлемінде нәтиже береді.
Оқи отырыңыз: Ақтауда жауған жаңбыр «жасанды» ма?
Еске сала кетейік, қондырғы арқылы атмосфералық ылғалдан жауын жаудырып, жаңбыр мөлшерін 30 пайызға дейін арттыру жоспарланған болатын.
Алдағы уақытта қондырғының атмосфераға әсері бақыланады. Нәтижесі соңғы он жылдағы жауын-шашын мөлшерімен салыстырылады. Мамандардың айтуынша, жаңа технология жылдың 4 мезгіліне де ыңғайлы. Сонымен қатар аймақ экологиясына және жергілікті халықтың денсаулығына ешқандай зияны жоқ. Аталған қондырғы электр қуатын аз жұмсайды. Климатологтар қондырғының тағы біреуін Бейнеу ауданына да орнатуды көздеп отыр.
Мұндай қондырғы елде алғаш рет қолданылып жатыр. Ал Біріккен Араб Әмірліктері, Жаңа Зеландия, Корея, Ресей сияқты елдерде технология өз нәтижесін беріп үлгерген. Сондықтан мамандар құрылғы тұрақты түрде жұмыс істесе, өңірдің қуаңшылықтан құтыларына сенімді. Ал алғашқы жаңбыр 2-3 күннен қалмай жауады деген болжам бар.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
