Құрықта ауылішілік автожол салынып жатыр

Қарақия ауданының орталығынан 7 шақырым қашықтықта орналасқан Маңғыстау елді мекенінде және 11 шақырым қашықтықта орналасқан Станция Ералы елді мекенінде ауылішілік автокөлік жолының құрылысы жүріп жатыр, - деп хабарлайды mangystaumedia.kz сайты.

Қарақия аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы Асан Чукиннің айтуынша, Маңғыстау елді мекеніне 3 шақырым, Станция Ералы елді мекеніне 1,8 шақырым автокөлік жолы қараша айының соңына дейін толық жүргізіледі.

«Ауыл – Ел бесігі» мемлекеттік бағдарламасы аясында салынып жатқан жол құрылысына мердігер мекеме «AltynzholGroup» ЖШС жауапты. Қазіргі таңда мекеме арнайы техникаларды жұмылдырып, жұмыстарын қызу жүргізіп жатыр. Екі елді мекеннің жол құрылысына 194,6 млн теңге қаржы бөлінген. Оның 90 пайызы республикалық бюджеттен, ал 10 пайызы жергілікті бюджеттен бөлінген» - дейді Асан Чукин.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.