_FF0V0fyRdqtiJQtVmTRENPPvN8MDpg.jpeg)
Ақжігіт ауылындағы темір жолдың батыс бөлігіне су құбыры тартылып жатыр. Бұл туралы Ақжігіт ауылының әкімі Жандос Салиев мәлім етті, деп хабарлайды mangystaumedia.kz.
Оның айтуынша, су жүйесінің ұзындығы 11 шақырымды құрайды.
«Қазір 1,5 шақырым траншея қазылып, шамамен бір шақырымға су құбыры салынды. Құрылысты «Нұр-Жол Құрылыс» мекемесі жүргізіп жатыр. Аталған жобаға жергілікті бюджеттен 226 млн. теңге бөлінді», - деді Жандос Салиев.
Ауыз су жүргізу жұмыстары «Нұрлы жер» бағдарламасы аясында жүзеге асқан. Бұл жоба арқылы 10 ауыл тұрғыны жұмыспен қамтылды. Нәтижесінде Ақжігіт ауылы сумен 100 пайыз қамтамасыз етіледі деп күтілуде. Жоспарға сәйкес, су құбырларын тарту жұмыстары жыл соңына дейін толық аяқталуы тиіс.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
