67 жасына қараған шағында мемлекет және қоғам қайраткері, Маңғыстау облысының Құрметті азаматы, саяси ғылымдарының кандидаты, дінтанушы ғалым Басшы Айжанақұлы Әзірханов дүниеден өтті.
Ол Гурьев ауылшаруашылық техникумын зоотехник мамандығы бойынша; Алматы теміржол көлігінің инженерлері институтын (1978) қатынас жолдарының инженері, электрик мамандығы бойынша; Орталық Азия университетінің заң факультетін (2001) заңгөр мамандығы бойынша; Л.Б. Гончаров атындағы Қазақ автомобиль-жол университетін экономист мамандығы бойынша бітірген.
1972 жылдан Маңғыстау облысы Бейнеу ауданының «Маңғыстау» кеңшарында жұмысшы;
1973 жылдан Алматы темір жол көлігінің инженерлері институтының студенті;
1978 жылдан Маңғышлақ облысы Бейнеу желілік ауданының электрмеханигі;
1979 жылдан Маңғышлақ облысы Бейнеу аудандық комсомол комитетінің бөлім меңгерушісі;
1980 жылдан екінші хатшысы, бірінші хатшысы;
1983 жылдан Маңғышлақ облысы Бейнеу теміржол торабы партия комитетінің хатшысы;
1989 жылдан Гурьев облысы Бейнеу аудандық партия комитетінің хатшысы;
1990 жылдан Маңғыстау облысы Бейнеу аудандық халық депутаттары кеңесінің төрағасы;
1992 жылдан Маңғыстау облысы Бейнеу аудандық әкімшілігінің басшысы;
1995 - 2017 жылдары Маңғыстау облысы Бейнеу ауданының әкімі;
2017 жылдан құрметті еңбек демалысына шыққан.
Басшы Айжанақұлы 2002 жылы “Саяси ғылымдарының кандидаты” атағын алған. Оның кандидаттық диссертациясының тақырыбы: «Орта тапты қалыптастыру бойынша Қазақстанның мемлекеттік саясатының негізгі басымдықтары».
«Бейнеу» (2002), «Орта тапты қалыптастырған он жыл» (2002), «Дінім менің - Ислам» (2006) кітаптарының авторы.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
