Бибісара Асаубаева халықаралық турнирде күміс жүлдегер атанды

© Ашық дереккөздерден алынған фото

Маңғыстаулық шахматшы Бибісара Асаубаев Тбилисиде әйелдер арасында өткен ФИДЕ Гран-Приінде күміс жүлдеге ие болды, деп хабарлайды mangystaumedia.kz.

Жерлесіміз Грузиядағы турнирді 5,5 ұпаймен аяқтады. Бұл сында Асаубаева екі мәрте жеңіске жетіп, жеті рет тең ойнаған. Аталған сында 6 ұпаймен Польша шахматшысы Алина Кашлинская жеңімпаз атанды. Оның нәтижесі үш жеңіс және жеті тең ойын болып отыр.

Ал үшінші орынға 5 ұпай еншілеген Грекия өкілі грекиялық Ставрула Цолакиду қол жеткізді. Грек шахматшысы бір рет жеңіске жетсе, 8 ойынды тең есеппен аяқтады.

Маңғыстау облысының өкілі Бибісара Асаубаева блицтен екі дүркін әлем чемпионы атанған. Танымал шахматшы 2021-2022 жылдары өткен әлем біріншіліктерінде топ жарған еді. Сонымен қатар, Бибісара 2021 жылы әлем чемпионатында жеңіске жеткен ең жас шахматшы ретінде есімі тарихқа енді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.