Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Бұл туралы Қоғамдық коммуникация орталығында өткен брифингіде Бейнеу ауданының әкімі Бейнеубек Әбілов мәлім етті.
Оның айтуынша, ауданда 10 егу пункті жұмыс істейді. Оның ішінде 3 жылжымалы егу пункті бар.
«Бейнеу ауданы облыс орталығынан шалғай орналасқандықтан, аудандағы вакцинация жұмыстары 1 ай кешігіп басталды. Алғашында екпені тасымалдау мәселесі туындады. Мәселен, тоңазытқыш жетіспеушілігі болды. Осылайша Бейнеуде екпе егу жұмыстары 26 наурыз күні басталды. Вакцинаның І компонентін 7 445 тұрғын алса, ІІ компонентпен 4 656 адам егілді. Қазір Бейнеу ауылында 4, Сарға, Ақжігіт, Боранқұл ауылындарында бір-бірден егу пункттері жұмыс істеп тұр», - деді Бейнеубек Әбілов.
Айта кетейік, Бейнеу ауданында медицина қызметкерлерінің 100 пайызы, білім беру саласы қызметкерлерінің 60 пайызы, мемлекеттік қызметкерлердің 92 пайызы вакцина алған.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.