22 маусымда облыс әкімі Нұрлан Ноғаевтың қатысуымен күйші Әзірбай Өскінбаевтың «Салқам саздың сарқыты» атты шығармашылық кеші өтті, деп хабарлайды mangystaumedia.kz сайты Маңғыстау облысы әкімінің баспасөз қызметіне сілтеме жасап.
Мерекелік кеш «Жорға» би ансамблінің орындауындағы «Биші сылқым» биімен ашылды. Одан әрі сахнада мәдениет саласының үздігі Жұмабек Қадырқұлов, Қазақстанның еңбек сіңірген қайраткері, күйші Секен Тұрысбек, Қайырбек Теңел өнер көрсетті.
Кеште Әзірбай Өскінбаев авторлық «Бұлбұл-ақжелең», «Арыстан-ақжелең», «Жирен жорға» төл туындыларын және әкесі, қазаққа белгілі күйші, термеші Мұрат Өскінбаевтың «Аттаныс», «Жеңіс» сынды жалынды күйлерін орындады.
- Қазақ халқының басқа халықтардан ерекшеліктерінің бірі ол өзінің ұлттық музыкасының, күйінің болуы. Атадан балаға жеткен, қадірлеп көзінің қарашығындай сақталып, қымбат қазынаға айналды. Бүгін Әзірбай Өскінбаев осында жиналған көрермендерге осы күнге дейін қаймағы бұзылмай жеткен күйлерді жеткізді. Бүгінгі кеш құтты болсын! Сізге тек шығармашылық шалқар шабыт тілеймін,- деді облыс әкімі Нұрлан Ноғаев.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
