Әлеуметтік желілерде Ақтау қаласының "Ақсаул&Айзере" жекеменшік балабақшасы ұжымының өтініші жарияланды. Онда жұмыс беруші тараптан еңбек заңнамасының бұзылуы туралы айтылған, деп хабарлайды mangystaumedia.kz.
Мектепке дейінгі білім беру және тәрбие ұйымы қызметкерлерінің сөзінше, айлық еңбекақының кешігуі мұнда жиі кездеседі және олар бұған әбден үйреніп қалған. Бірақ демалыс және әлеуметтік төлемдердің болмауымен олар келіспейтінін білдірген. Мемлекеттік органдарға жүгіну де аталған мәселені шешуге көмектеспе дейді олар.
«Бүгін 17-70 және 17-71 мекенжайлары бойынша "Ақсаул&Айзере" жеке бақшасының тәрбиешілері қолдау тауып, олардың мәселесін шешпек ниетпен балаларды қабылдауды тоқтатты. Айлық еңбекақының тұрақты түрде кешігуіне үйренген тәрбиешілер демалысқа шыққанда берілетін төлемдерді төлемеумен келіспейді. Мұнда ұзақ уақыт бойы зейнетақы, әлеуметтік және МӘМС есептелмеген. Неліктен прокуратура, білім бөлімі және білім беру қызметкерлері кәсіподағы жұмысшылардың құқықтарын бұзуға жауап бермейді! Өйткені, бұл балабақша мемлекеттік тапсырыс алып отыр. Нәтижесінде балалар мен ата-аналар зардап шегеді", - деп жазылған хабарламада.
Облыстың білім басқармасының хабарлауынша, құрылтайшы - "Еділ сауда орталығы" ЖШС Атырауда орналасқан. Жалақы мәселелеріне келетін болсақ, бүгін балабақша ұжымының қаржы директорымен онлайн форматта кездесуі өтпек. Келіссөз нәтижелері кейінірек белгілі болмақ.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
