Бейнеулік жас оқырманымыз редакциямызға жантебірентерлік хат жолдады, деп хабарлайды mangystaumedia.kz сайты.
«Мен Парахатова Жаңагүл Бақтиярқызы, Бейнеу ауданы, Асау батыр 192 үйдің тұрғынымын. Біздің отбасы өте күрделі отбасы. Тағдырдың жазуымен өткен жылы әкемізден айырылдық, анамыз қатты сырқос, айлап ауруханада болады. Үйде жеті ағайындымыз. Соның үшеуі әлі кәмелет жасқа толмаған. Әкемнен айырылған соңғы екі жыл мені қатты есейтті. Үйдің үлкенімін. Мен сіздерге хат жазғандағы мақсатым – барша бейнеуліктерге алғыс айту. Әсіресе, аудан әкімдігіне, бір інім, екі сіңлім оқитын Манаш орта мектебінің мұғалімдеріне, психологтарына өз алғысымды айтамын» - деп хат жазған бейнеулік бойжеткен бауырларының алғыс арнаған видео сәлемдемесін қоса жолдапты.
Видеода бүлдіршіндер өздеріне жаңа оқу жылына арнап киім, оқу-құралын алып берген қайырымды жандарға шексіз риза екенін айтқан.
Редакциямызға келген хатты оқырманның өтініші бойынша қаз қалпында жариялап отырмыз. Өзі әлі жас болса да бауырларына қарасып, көмек қолын созғандарға шынайы алғыс арнаған жерлесіміздің әрекеті бізді сүйсінтті.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
