Ақжігіт ауылына қосымша электр желісі тартылуда

Бейнеу ауданындағы Ақжігіт ауылының №1 және №2 аймақтарына электр желісін тарту бойынша құрылыс жұмыстары басталды. Ауыл ішін жарықтандыру мақсатында соңғы үлгідегі әрқайсысы 150 Ваттық 190 дана көше жарық шамы орнатылады. Бұл туралы Ақжігіт ауылы әкімінің уақытша міндетін атқарушы Жандос Салиев мәлім етті. Оның айтуынша, №2 аймаққа трансформатор қойылу арқылы электр желісінің қуаты артады.

Ақжігіт ауылында 362 отбасы немесе 2578 адам тұрады.

«Ауылымыздың №2 аймағына қосымша трансформатор қойылады. Бұл «2020-2021 жылдарға арналған Жұмыспен қамтудың жол картасы» бағдарламасы аясында жүзеге асырылып жатыр. Мердігер мекеме «Бейнеугаз» Жауапкершілігі шектеулі серіктестігі. Келісім шарт құны – 61 576 500 теңге. Қаржының 80 пайызы игерілді. Мердігер мекеме ауылымыздың 7 азаматын уақытша жұмысқа қабылдады. Құрылыс жұмыстары қарашаның соңына дейін аяқталады деп жоспарланған», - деді Ж.Салиев.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.