Бейнеу ауданы әкімінің орынбасары тағайындалды
[ 2019 ] 12 желтоқсан, 05:57 | Аудан тынысы
Бейнеу ауданы әкімінің орынбасары лауазымына Әзірханов Бекзат Басшыұлы тағайындалды, - деп хабарлайды mangystaumedia.kz сайты Бейнеу ауданы әкімдігіне сілтеме жасап.
Бекзат Әзірханов 1981 жылы 12 тамызда Бейнеу ауданы, Бейнеу ауылында дүниеге келген.
Білімі - жоғары, 2003 жылы – Ш.Есенов атындағы Ақтау мемлекеттік университетін «Тау-кен инженері» мамандығы, 2005 жылы М.Тынышпаев атындағы Қазақ көлік және коммуникациялар академиясын «Қаржы және несие» мамандығы бойынша бітірген.
Еңбек жолын 2003 жылы Бейнеу аудандық қаржы бөлімінің бас маманы ретінде бастаған.
2005-2006 жылдары аудандық экономика және қаржы бөлімінде қаржы бөлімшесінің бастығы;
2006-2009 жылдары аудандық қаржы бөлімі бастығының орынбасары;
2009-2017 жылдары аудандық экономика және қаржы бөлімі бастығының орынбасары;
2017 жылдан қазіргі уақытқа дейін аудандық экономика және қаржы бөлімінің басшысы қызметін атқарып келген.
Бекзат Басшыұлы аудан әкімінің орынбасары ретінде аудандағы бюджет, қаржы, экономика, ауылдық аймақтарды дамыту, салық, статистика, тұрғындарды су, газ, электр энергиясымен қамту, коммуналдық қызмет, тұрғын-үй, сәулет, қала құрылысы, құрылыс, ауылішілік жолдар, көлік, байланыс, ауыларалық автожолдар салаларына басшылық жасайды.
4236
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
