Ән-жырға арқау болған Астана

©

Елордамыздың 20 жылдық мерейтойына орай Астана күні Әли Балта стадионында Бейнеу мәдениет ұжымының ұйымдастыруымен «Тәуелсіздік түндігі-Астана» деген тақырыпта думанды мереке өтті. Мерекелік концертті тамашалауға аудан жұртшылығының көпшілігі жиналды.

Тәуелсіз еліміздің ұлан-ғайыр даласын ән мен жырға бөлеп, Қазақстан халқын шабыттандырып, көңілін қуанышқа кенелткен бұл мереке аудан халқының көңіл-күйін шаттыққа бөледі. Күміс көмей әншілер бұл кеште Астана туралы, «Қазақстан», «Атамекен», «Туған жер», т.б. патриоттық көптеген әндерді әуелете шырқады.

Думанды кеш ән-жырмен шектеліп қана қоймай, әртүрлі ойындармен ұласты. Сонымен қатар аудан көлемінде Астана күніне арналған мерекелік шаралар жалғасын тапты. Бейнеу кітапханасында «Сәулеті сәуле шашқан сән Астана» әдеби акциясы, «Төбесінде жарқырап, күн байлаған Астанам!» балаларға арналған жұлдызды сәт ойыны, Сам орта мектебінде жастар арасында әуесқой футбол лигасы өткізілді.

Астана мерейтойына арналған концерттік бағдарлама сән қойылымымен жалғасын тапты.

Осылайша аудан тұрғындары Астананың 20 жылдығына арналған мерекелік шаралардың қай-қайсысын да қалт жібермей тамашалап, дән риза болды.

Өз тілшіміз

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.