Президент экологияға зиян келтірген Маңғыстаудағы кәсіпорындарды сынады

Ел президенті Экология министрлігіне Маңғыстаудағы ірі кәсіпорындардың Экологиялық кодексті сақтауын қатаң бақылауға алуды тапсырды, - деп хабарлайды mangystaumedia.kz сайты.

«Облыс халқы өндірістік қалдықтар суды және ауаны ластап жатқанын айтып, жиі дабыл қағады. «ҚазАзот», «МАЭК-Қазатомпром», «CASPI BITUM», «Маңғыстаумұнайгаз» сияқты мекемелердің үстінен шағым түсіп жатыр. Әрине, табиғатқа залал келтіргені үшін салынған айыппұлдың көлемі экологияға тиген зардаптың орнын толтырмайды", - деді мемлекет басшысы Қ. Тоқаев.

Сонымен қатар аталған компаниялардың қоршаған ортаны қорғауға, ескірген құрал-жабдықтарды жаңартуға, заманауи тазалау технологиясын орнатуға қатысты міндеттемелері бар екенін ескертті.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.