Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Ақтау тұрғындары су мен жылуды тұтыну құнының екі есеге қымбаттауын қызу талқылап жатыр. mangystaumedia.kz сайтының редакциясы коммуналдық тарифтер бағасының өсімі мен оның басты себебін анықтауға көшті.
"МАЭК" ЖШС 2022 жылдың қараша айында "Соңғы тұтынушыға дейінгі 2022-2024 жылдарға арналған жылу энергиясын, ауыз суды, техникалық және ыстық суды өндіру мен жеткізуге арналған тарифтерді бекіту туралы" бұйрыққа өзгерістер енгізілгенін хабарлады.
"Каспий жылу, су арнасы" МКК соңғы тұтынушыға дейінгі тарифтерді бекітті, сондықтан 2023 жылға арналған соңғы тұтынушыларда есептеу құрылғыларының болу немесе болмауына байланысты жылу энергиясымен жабдықтау бойынша қызметтерге сараланған тарифтерге өзгертулер енгізілді.
Егер бұйрыққа тіркелген қосымшаларды зер сала қарасаңыз, онда жылуды тұтыну төлемдері екі есе өсетіндігі көрсетілген.
Мәселен, 2023 жылдың алғашқы үш айында КЖСА белгілеген тұрмыстық тұтынушылар үшін жылу тұтыну тарифі 683,66 теңге сомасында бекітілді, сәуір айынан бастап жыл соңына дейін тариф 687,07 теңгеге дейін өседі. Бірақ, ҚҚС-пен қоса есептегенде түпкілікті тарифті есептеу барысында МАЭК бекіткен тариф қолданылатын ортақ есептеу құралдары тұтынушылар үшін аса тиімді екендігі анықталды.
Қазір ҚҚС-пен қоса есептегенде соңғы тарифтің құны жалпыүйлік жылу энергиясын есептеу құралы орнатылмаған тұтынушылар үшін 3306,59 теңгені, ал құрылғылары бар тұтынушылар үшін 2556,34 теңгені құрайды. Жаңа тарифтермен төмендегі кесте арқылы танысуға болады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.