Маңғыстауда жалған жиһаз жасаушы тұрғындарды 3 миллион теңгеден астам шығынға батырды

Маңғыстау облысының тұрғындары тұрғын үйлеріне жиһаз жасатамыз деп, алаяқтың құрығына түсіп қалды. Полицияға 8 жәбірленуші арызбен жүгінді Оларға келтірілген шығынның жалпы көлемі 3млн. 196мың теңгені құрайды, деп хабарлайды mangystaumedia.kz облыстық ПД-не сілтеме жасап.

Жедел-іздестіру іс-шаралары нәтижесінде криминалдық полиция қызметкерлерімен 26 жастағы күдіктінің жеке басы анықталып, ұсталды. Бұл дерек ҚР ҚК 190-бабы (алаяқтық) бойынша Ақтау қаласы ПБ СДТБТ-де тіркелді. Өзге мәлімет тергеу мүддесінде жария етілмейді.

Маңғыстау облысы Полиция департаменті өңір тұрғындары мен қонақтарын алаяқтардан сақ болуға шақырады. Сенімсіз есепшоттарға қаражат аудармауларыңыз сұралады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.