Маңғыстау облыстық экология департаменті Ақтаудағы 4 а шағын ауданындағы теңіз суының өзгеруіне қатысты пікір білдірді, деп хабарлайды mangystaumedia.kz.
Департамент мамандары 4 а шағын ауданы теңіз жағалауының қара түске енуіне байланысты тексеру жұмыстарын жүргізген.
«Аталған дерек бойынша департамент мамандары теңіз жағалауына шолу жұмыстарын жүргізді. Шолу барысында аталған аумақта табиғи құбылыстар нәтижесінде жылдар бойы жиналған, өлі балдырлардың шіруі мен теңіз түбі лайының (иловые осадки) жоғары көтерілуі салдарынан теңіз түсі өзгеріске ұшырағаны анықталды», - деді департаменттің баспасөз қызметіндегілер.
Қазір 4 а шағын ауданындағы теңіз жағалауының жағымсыз иісі және теңіз түсінің қала көркіне кері әсерін тигізетінін ескере отыра, департамент ірі техниканың көмегімен тазалау жұмыстарын жүргізуді ұсынған. Осы ретте департамент тарапы облыс әкімшілігіне тазалық жұмыстарын ұйымдастыруды сұрап, хат жолдады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
