Ажар Ғиният Маңғыстау облысына келді

Бүгін Денсаулық сақтау министрі Ажар Ғиният Мемлекет басшысының тапсырмаларын орындау аясында Маңғыстау облысына жұмыс сапарымен келді, - деп хабарлайды mangystaumedia.kz сайты МО Денсаулық сақтау басқармасына сілтеме жасап.

Бас дәрігер Мұнайлы ауданындағы Қызылтөбе ауылының дәрігерлік амбулаториясынан бастап бірқатар медициналық нысанды аралауды жоспарлап отыр.

Содан кейін ведомство басшысы Жаңаөзен қаласындағы жедел жәрдем станциясы бөлімшесінің жұмысымен танысып, қалалық көпсалалы аурухананы аралайды.
Осылайша ол Жаңаөзеннің жергілікті атқарушы органдары өкілдерімен және медициналық жұртшылығымен кездеседі.

Сапардың екінші күні министр облыстық перинаталдық орталығы, Маңғыстау облыстық көпсалалы балалар ауруханасы мен облыстық онкологиялық диспансер базасындағы балаларды оңалту орталығының жұмысымен танысуды жоспарлап отыр.

Бағдарлама аясында ведомство басшысы өңір тұрғындарымен кездесу өткізіп, азаматтарды жеке қабылдайды. Өңірлік коммуникациялар қызметінің алаңында журналистердің сұрақтарына жауап береді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.