Жіліншігі үшке бөлінген 14 жастағы жасөспірімге Илизаров аппараты салынды

Футбол алаңында ойнап жүріп, құлаған 14 жастағы жасөспірімге ота жасалды. Операция барысында хирург дәрігерлер оған Илизаров аппаратын салды, - деп хабарлайды mangystaumedia.kz сайты облыстық денсаулық сақтау басқармасының баспасөз қызметіне сілтеме жасап.

Маңғыстау облыстық көпбейінді балалар ауруханасы травмотология-ортопедия бөлімінің меңгерушісі, жоғары санатты балалар хирургы Құрман Қайранов жіліншіктің үшке бөліну жағдайы сирек кездесетінін айтты. Сондай-ақ мұндай жағдайда күрделі деңгейдегі ота жасалу қажет екенін жеткізді.

- Ауруханаға келген жасөспірімнің үлкен жіліншігі үшке бөлініп, кіші жіліншегі сынған. Ота кезінде науқасқа Илизаров аппаратын салдық. Жалпы бұл аппаратты салу сирек кездеседі. Яғни, күрделі сынықтар болған жағдайда ғана қолданылады, - деді хирург Құрман Қайранов.

Айта кетейік, бүгінде жасөспірімнің жағдайы жақсы. Үйге шығарылған. Дәрігердің тұрақты бақылауында. 1 айдан соң ауруханаға келіп, қайта тексерістен өтеді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.