Ақтау қалалық ардагерлер кеңесі: қиындықты ел болып бірге еңсереміз!

Ақтау қалалық ішкі саясат және тілдерді дамыту бөлімі, ардагерлер кеңесі және аналар кеңесімен бірігіп, эвакуациялық пункттерге барып, атыраулық тұрғындардың хал-жағдайын білді, - деп хабарлайды mangystaumedia.kz қала әкімдігінің баспасөз қызметіне сілтеме жасап.

Ардагерлер кеңесінің мүшелері эвакуацияланған адамдарға ел бірлігінің маңыздылығын айтты.

- Әрбір қиындықты ел болып бірге еңсереміз. Сіздер жалғыз емессіздер. Мемлекет тарапынан тиісті шаралар қабылдануда. Бірлік бар жерде тірлік бар. Еліміз аман, жұртымыз тыныш болсын, - деді Ақтау қалалық ардагерлер кеңесінің төрағасы Аманжол Қартбай.

Ақтау қалалық аналар кеңесінің төрайымы Гүлзира Есетова қажетті көмекті эвакуациялық пункттың жауапты қызметкерлерінен алуға болатынын айтты.

- Өңіріміздің халқы сіздерді құшақ жая қарсы алып жатыр. Қажетті көмекті эвакуациялық пункттың жауапты қызметкерлерінен алуға болады. Ел болып қолдан келгенше көмегімізді аямаймыз. Еліміз аман, жұртымыз аман болсын!, - деді Ақтау қалалық аналар кеңесінің төрайымы Гүлзира Есетова.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.