Облыс әкімдігінің телеграм каналына Ақтау қаласының мүмкіндігі шектеулі тұрғыны жұмыспен қамту орталығынан қандай жұмыс жасауға болатыны жөнінде сұраған. Сауалға Ақтау қалалық жұмыспен қамту орталығының өкілі жауап берді,- деп хабарлайды mangystaumedia.kz Қоғамдық коммуникация орталығына сілтеме бере отырып.
Хабарламада тұрғын өзінің негізгі мамандығы электрик екенін, эпилепсия ауруына шалдығуына байланысты дәрігерлер тоқ пен жұмыс жасауға болмайтынын айтып, 70 пайыз жұмысқа жарамсыз деген қағаз шығарып берген. Тұрғын өз шағымын қозғай келе, жұмыссыз отырғанды қаламайтынын, денсаулығы бойынша рұқсат етілген жұымстарда жасағысы келетінін айтып, жұмыспен қамту орталығынан жұмыс сұраған.
Тұрғын сауалына Ақтау қалалық жұмыспен қамту орталығы өкілі жауап берді.
- Жыл басынан бері Ақтау қаласы бойынша 4 мыңға жуық адам тұрақты жұмысқа орналастырылды. Әрине, барлық жұмыссыздарды мамандығы бойынша жұмысқа орналастырудың мүмкіндігі жоқ. Бірақ, мамандығы мен біліктілігі бар тіркелген жұмыссыздардың мамандығына сай бос жұмыс орындары пайда болған жағдайда, жұмыспен қамту орталығы жұмыссыздарға телефон шалып хабарласып, жұмыс ұсынады. Сонымен бірге өңірде бар бос жұмыс орындары туралы толық әрі өзекті ақпаратты www.enbek.kz сайты арқылы электронды еңбек биржасынан қарап, лайықты деп санаған жұмыс орнына түйіндемені(резюме) тікелей жұмыс берушіге жолдау мүмкіндігі бар. Өзіңіз жайлы мәліметтерді хабарласаңыз, алдағы уақытта лайықты жұмыстар іздеп, бос жұмыс орны болған жағдайда, ұсынатын боламыз, дейді жауапты өкіл.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
