Маңғыстауда Өзен және Қарамандыбас кен орындарын оңалту жобасы жалғасады

© Kmg.kz

Мұнай өндіруді үздіксіз жалғастыру үшін 2023 жылы «Өзенмұнайгаз» кен орынын оңалту жобасы басталды, - деп хабарлайды mangystaumedia.kz. Өзен және Қарамандыбас кен орындарында мұнай өндіруді арттыру бойынша қандай жұмыстар атқарылатыны туралы ақпаратты Energy Monitor қоғамдық қорының директоры Нұрлан Жұмағұлов жариялаған.

Өзен және Қарамандыбас (Өзенмұнайгаз еншісіндегі) өткен ғасырдың 40-60-жылдарынан бері мұнай өндіріп келе жатқан кен орындары. Сол үшін соңғы жылдардағы басты міндет өндіріс көлемін ұлғайту емес, оны қазіргі әлеуетін бірқалыпты ұстап, тиімділігін арттыру.

– Кен орындары - күрделі, әлеуметтік салмағы ауыр мәселе. Штатта 10, мердігер мекемелерде 12 мыңнан астам жұмыс істейді. Жұмыс орындарын сақтау үшін мұнай өндірісі тұрақты болуы керек. Өкінішке қарай, соңғы жылдары «Өзенмұнайгазда» өндірілген мұнай көлемі азайды (жылына 5 млн тоннадан аз). Ауқымды кен орындарын қолдау үшін үкімет пайдалы қазбаларды өндіру салығын төмендету мәселесін қолдады. Пайдалы қазбаларды өндіру салығынан үнемделген қаражат қайта қалпына келтіру жобасына жұмсалады, және ҚМГ оны бірлесіп қаржыландырады.

2023-2024 жылдарға арналған жоба бюджеті 68 млрд теңгеге тең. Жоба көлденең ұңғымаларды бұрғылау, заманауи жабдықты қолдану, су айдау технологияларын өзгерту, қапталған құбырларды пайдалану, мұнай беруді арттырудың жаңа технологияларын қамтиды. Бұл жоба болмаса, өндірістің жыл сайынғы құлдырауына (соңғы 15 жылда 25%-ға), жерүсті инфрақұрылымының жоғары тозуына, өндіріс деңгейін ұстап тұруға кететін шығындардың өсуіне, сондай-ақ қызметкерлер санының артуына байланысты «Өзенмұнайгаздың» мұнай өндіруі келер жылдары аяқталады.

Кен орындарын оңалту жұмыстары бірнеше жыл ішінде мұнай өндіруді 5,2-5,5 миллион тоннаға дейін арттыруға көмектеседі. Ал 2023 жылы 4,9 млн, 2023-2036 жылдары қосымша 19 миллион тоннаға ұлғаяды.

Айта кетейік, Өзен кен орынындағы мұнай +32 температурада қатып қалады. Электр қуаты өшсе, бәрі тоқтайды. ҚМГ мәселесіні шешу үшін Eni-мен бірігіп 247 МВт гибридті электр станциясының құрылысын бастады. Бұл да өз кезегінде өндірісті тұрақтандыруы керек.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.