Маңғыстауда коронавирус инфекциясын жұқтыру 5 есеге төмендеді

Бұл туралы Маңғыстау облысының санитариялық-эпидемиологиялық бақылау департаментінің аса қауіпті инфекцияларды және туберкулезді эпидемиологиялық бақылау бөлімінің басшысы Айнұр Құлжымырова мәлім етті, деп хабарлайды mangystaumedia.kz қоғамдық коммуникация орталығына сілтеме беріп.

Спикердің айтуынша, коронавирус инфекциясы бойынша облыс аймағында соңғы 2 аптадағы эпидемиологиялық ахуалда төмендеу байқалады. Мәселен, 1 ай бұрын Ақтау қаласында 36 жағдай тіркелген болса, ал соңғы екі аптада тіркелгендер саны 6 адамды көрсетіп отыр. Ал Бейнеу, Маңғыстау, Қарақия және Түпқараған аудандарында коронавирус жұқтырғандар анықталмаған. Жаңаөзен қаласы мен Мұнайлы аудандарында тіркелгендер саны 2-еу.

-Өткен 8-ші қыркүйек пен 21 қыркүйек аралығында облыс бойынша 55 жағдай тіркелген болса, 22 қыркүйек пен 5 қазан аралығында тіркелгендер саны 45 жағдайға төмендеген. Яғни соңғы екі аптада 10 инфекция жұқтыру жағдайы тіркеліп отыр, дейді Айнұр Құлжымырова.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.