Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Маңғыстау облысында жылдың басынан бері кәмелет жасқа толмаған жасөспірімдердің қатысуымен 3367 құқық бұзушылық орын алған, деп хабарлайды mangystaumedia.kz Полиция департаментінің баспасөз қызметіне сілтеме бере отырып.
Оның 3200-і ҚР Әкімшілік кодексінің 442-бабына (Кәмелетке толмағандардың заңды өкілдерінің еріп жүруінсіз түнгі уақытта ойын-сауық мекемелерінде немесе тұрғынжайдан тыс жерде болуы) сәйкес жасалған бұзушылықтар. Бұл көрсеткіш өткен жылмен салыстырғанда 5,5%-ға төмендеген.
Кәмелетке толмағандардың істері жөніндегі инспекторлармен ұсақ бұзақылық жасаған 64 жеткіншек есепке алынды және түнгі мезгілде ойын-сауық орталықтарында уақыт өткізген 85 жасөспірім анықталды. Олар ҚР ӘҚБтК-тің 132-бабы бойынша жауапкершілікке тартылды.
Құрметті ата-аналар, балаларыңызды қадағалаусыз қалдырмауларыңыз сұралады. Маңғыстау облысы Полиция департаменті заң талаптарын бұзбауға және жасөспірімдердің қатысуымен болатын құқық бұзушылықтарға жол бермеуге шақырады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.