Ақтауда көші-қон заңнамасын бұзған 74 шетел азаматы жауапкершілікке тартылды

© Архив

Ақтауда көші-қон заңнамасын бұзғаны үшін 74 шетел азаматы жауапкершілікке тартылды, - деп хабарлайды mangystaumedia.kz.

Қалалық полиция басқармасының хабарлауынша, ҚР әкімшілік құқық бұзушылық кодексінің 517 бабы, 4 бөлімі бойынша белгіленген мерзімінің уақыты өткені үшін 11 шетел азаматы әкімшілік жауапкершілікке тартылған. 8 шетел шетел азаматы әкімшілік жолмен еліміздің аумағынан тысқары шығарылған.

«ҚР әкімшілік құқық бұзушылық кодексінің 517 бабы, 5 бөлімі бойынша 28 шетел азаматы әкімшілік жауапкершілікке тартылып, заңсыз жұмыс істеген 9 шетел азаматы елден шығарылды», - делінген полиция басқармасы таратқан ақпаратта.

25 қазақстан азаматына шетел азаматтарының уақытында тіркелуін қадаламағаны үшін әкімшілік хаттама толтырылған.

Сондай-ақ шетел азаматтарына заңсыз жұмыс берген еліміздің 5 азаматына әкімішілік хаттама толтырылып, айыппұл салынған.

Ақтау қалалық полиция басқармасы елімізге көшіп келген я еңбек етіп жүрген шетел азаматтарына уақытында тіркелуі қажет екенін ескертеді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.