Жарты миллион кітап: Маңғыстауда жаңа кітапхана ашылды

Бүгін Ақтау қаласында озық үлгідегі әмбебап кітапхана ашылды, - деп хабарлайды mangystaumedia.kz сайты.

​Қабиболла Сыдиықов атындағы Маңғыстау облыстық әмбебап кітапханасының жаңа ғимаратын салтанатты ашуға облыс әкімі Нұрлан Ноғаев, Түркі мәдениетінің халықаралық ұйымының (ТҮРКСОЙ) Бас хатшысы, профессор, дипломат әрі қоғам қайраткері Дүйсен Қасейінов, Қабиболла Сыдиықовтың зайыбы Гүлшат Сыдиықова, облыстық мәслихат депутаттары мен зиялы қауым өкілдері қатысты.

​Кітапханада 500 мың кітап қоры бар. Бұл облыстағы 66 кітапхананың әдістемелік орталығы болады. Ғимарат ішінде Тұңғыш президент залы, зағип жандарға арналған арнайы зал, интернет залы, шетел әдебиеті залы, балалар мен жасөспірімдер залы, коворкинг орталығы сынды 12 зал мен 5 оқу бөлімі жұмыс істейді. Кітапхана қоры жыл сайын толығып отырады.

Шарада сөз алған өңір басшылы Нұрлан Ноғаев оқырмандарды руханият ошағының ашылуымен құттықтап, кітапхана ұжымының жұмсына табыс тіледі.

«Кітап бар жерде рухани өмір бар. Біз көшпелі халық болсақта кезінде ауыз әдебиетімен қатар жазба әдебиеті де болған. Орхон енесей жазбаларымен Отырар кітапханасын кезінде бабаларымыз бізге мұра етіп қалдырған. Кітап - адамның рухани қазынасы. Ол солай болып қала береді, кітапхананың қажеттілігі жасына қарамай оқырмандар қажеттілігіне қарай кітапханаға келіп кітап оқып, басқада мағлұматтар алу бұл заңдылық. Себебі адам тәнін ғана емес жанында байытуға ұмтылады. Көзқарасын, түсінігін, ой-өрісін кеңейтуге осы 500 мыңнан астам кітаппен арнай кабинеттердің ықпалы зор болады деп ойлаймын»,- деді облыс әкімі.

Айта кетейік, кітапхана ел тәуелсіздігінің 30 жылдық мерейтойы қарсаңында ашылды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.