Ақтауда ауа құрамының сапасын анықтайтын экологиялық датчиктер орнатылды

«Цифрлы Қазақстан» мемлекеттік бағдарламасы аясында Ақтау қаласында ауа құрамының сапасын анықтайтын экологиялық 8 датчик орнатылды, деп хабарлайды mangystaumedia.kz.

Атап айтқанда құрылғылар 27 ш/а №16-шы мектепке, 32 ш/а №29 мектепке, 14 ш/а №1 мектепке, 1 ш/а №3 мектепке, 22 ш/а №22 мектепке, 5 ш/а №7 мектепке, Шығыс-1 ш/а жуырда ашылған жаңа мектепке, Өмірзақ ауылындағы №27 мектептің ауласына қойылды.

Облыстық цифрландыру басқармасының басшысы Айдын Хадиевтің айтуынша, экостанциялар арқылы ауа құрамының көрсеткіші мен ластану деңгейін PM-2.5, PM-10 көрсеткіштерін бақылауға болады.

Аталған датчиктердің көрсеткіштерін қала тұрғындары airkaz.org сайты және Smart Aktau мобильдік қосымша арқылы көріп, қадағалай алады. Маңғыстау облысы аталған эко датчиктерді орнату бойынша елімізде Алматы қаласынан кейінгі екінші орында, деді басқарма басшысы.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.