Бибісара Асаубаева Маңғыстауға Азия чемпионы болып оралды

Әйелдер арасында шахматтан өткен Азия чемпионатынан 1-орынды иеленген Бибісара Асаубаева бүгін «Маңғыстау-Медиа» орталығына келді. Турнир барысында болған қызықты жайттарды еске алып, алдағы жоспарларымен бөлісті.

Тамыздың 23-25 аралығы өткен Азия чемпионаты «Tornelo» платформасында өткен еді. Оған 15 елден 74 ойыншы қатысты. Олардың арасында - тоғыз халықаралық гроссмейстер, сегіз халықаралық шахмат шебері мен 22 шахмат шебері атағын иеленген қатысушылар бар.

Осы жеңісі арқылы Бибісара 25 қазан мен 25 қараша аралығы Ригада өтетін «FIDE Women`s Grand Swiss 2021» турниріне жолдама алып отыр. Турнир 12 турдан тұрады, оған әлемнің 50 мықты шахматшылары қатысады деп күтілуде.

Қазір Бибісара Нұр-Сұлтан қаласында шахматтан өтіп жатқан Бүкіләлімдік онлаин-олимпиадаға қатысуда. Айта кетейік, аталған олимпиадада Қазақстан құрамасы көш бастап тұр. Бибісара Асаубаева турнирдегі қатысқан алты ойынын да жеңген.

Қазақстан командасы бұл олимпиадада 2 ұпаймен Қытайды басып озды. Енді қазақстандық шахматшылар Иран, Моңғолия, Австралия командаларымен үш ойын өткізеді.

Кәмшат СӘРСЕНБАЕВА

Суреттерді түсірген

Талант ҚҰСАЙЫН

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.