Бұл туралы Қоғамдық коммуникация орталығында өткен брифингте Маңғыстау облысының білім саласында сапаны қамтамасыз ету департаменті басшысының орынбасары Тәттімбет Жұмалиев мәлім етті, деп хабарлайды mangystaumedia.kz.
Оның айтуынша, департамент балалардың құқығын қорғау бойынша жылына бір рет білім беру, денсаулық сақтау саласына, жетім және ата-ананың қамқорлығынсыз қалған балаларға, арнайы білім беру ұйымдарына мониторинг жүргізеді.
"Мониторингтік топтың басты мақсаты бала құқықтарына байланысты туындаған мәселелердің уақытылы шешілуіне ықпал ету. Кез-келген азамат ҚР Бала құқықтарын қорғау комитеті бекіткен "BALA QORGAU" телеграмм каналы арқылы толғандырған сұрағын қоя алады. Облыста бала құқығының қорғалуына байланысты аудан, қаладан 18 тұрғынның арызы түсіп, заң аясында қорғалды", - деді Тәттімбет Жұмалиев.
ҚР Білім және ғылым министрлігінің тапсырмасына сәйкес, облыстағы білім беру мекемелеріндегі бейне бақылау камералары мен әжетханалардың орналасуына байланысты мониторинг жүргізілді.
Бала құқықтарына байланысты мәселе туындаған жағдайда Департаменттің 40-01-30 телефонына хабарласуға болады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
