Аудан орталығы Бейнеу ауылындағы маңызды жолдардың бірі - 4,8 шақырымды құрайтын Қ.Сәтбаев көшесінің автомобиль жолы. Оны жөндеу жұмыстарына жергілікті бюджеттен 53,7 млн. теңге қаржы бөлінді. Маусым айында құрылыс жұмыстары басталады. Бұл туралы Қоғамдық коммуникация орталығында өткен брифингте Бейнеу ауданының әкімі Бейнеубек Әбілов мәлім етті.
«Жалпы ұзындығы 4,3 шақырымды құрайтын Төлеп ауылының кірме автожолына қиыршық тасты жол төсеу жұмысы басталды. Келісімшарт құны – 95 млн. 285 мың теңге. Қазір ұзындығы 3 шақырым автожолға қиыршық тасты жол төселді. Сыңғырлау – Сам – Ноғайты – Тұрыш аудандық маңыздағы автокөлік жолын жөндеуге мемлекеттік сатып алу конкурсының жеңімпазы анықталып, мердігер мекемемен келісімшартқа отырдық. Техникалар жеткізіліп, жұмыстар жақын күндері басталады. Жоба құны – 27,5 млн. теңге. Жолдың ұзындығы 73 шақырым. Сонымен қатар, Ақжігіт ауылының екінші құрам бөлігіне қиыршық тасты автомобиль жолын салу қолға алынды. Жоба құны – 55,288 млн. теңге. Қазіргі таңда жобалық сметалық құжаттарына түзетулер енгізілуде. Нәтижесінде қиыршық тасты жолдың орнына қатқыл табанды автомобиль жолын салатын боламыз», - деді Бейнеубек Әбілов.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
