Ақтау технологиялық қызмет көрсету колледжінде екі құзыреттілік орталық ашылды

Бүгін Ақтау технологиялық қызмет көрсету колледжінің "Жас маман" жобасы аясында ашылған екі құзыреттілік орталығының тұсаукесер шарасы өтті, - деп хабарлайды mangystaumedia.kz сайты.

Шараға Маңғыстау облыстық мәслихатының депутаты, кәсіпкер Урисбаев Аббат Жангирханович, Маңғыстау облысы білім басқармасының басшысы Тулебаева Светлана Дюмбайқызы, Жұмыспен қамтуды үйлестіру және әлеуметтік бағдарламалар басқармасы басшысының орынбасары Асет Шопанов, техникалық және кәсіптік білім бөлімінің басшысы Сармурзина Жания Оңалбайқызы және техникалық және кәсіптік білім бөлімінің бас маманы Утебаев Талғат Төремұратұлы қатысты.

«Жас маман» жобасының негізгі мақсаты — сұранысқа ие тігін өнеркәсібі және байланыс, телекоммуникация саласы бойынша мамандықтарды жаңғырту және білікті мамандарды даярлауда халықаралық тәжірибені енгізу.

«Жас маман» жобасы іске асыру барысында Ақтау технологиялық қызмет көрсету колледжінде республикалық және халықаралық деңгейде талап етілетін мамандарды дайындау үшін тігін өнеркәсібі және байланыс телекоммуникация саласы мамандықтары бойынша өз өңірі үшін құзыреттілік орталықтары ашылып, WorldSkills ұлттық және халықаралық чемпионаттарына қатысушыларды даярлауды жүргізетін болады.

Тігін шеберханасына алынған заманауи жабдықтар қатарында компьютерлік сандық басқару тігін машиналары бар. Ол машиналар Маңғыстау өңіріндегі тігін өндірісіндегі ірі, орта, шағын бизнес өнеркәсіптерінде толықтай қол жеткізіп жабдықталмаған. Алынған компьютерлік сандық басқару тігін машиналарының қолмен жұмыс жасайтын машиналармен салыстырғанда жоғары өнімділік, технологиялық икемділік, бірнеше операцияларды қатар орындау мүмкіндік беріледі. Себебі тігін машиналарының түрлері тігін өндірісінің жұмысын түрлендірді, тұтынушылардың сұранысын үнемі жаңартып отырады. Алынған жаңа заманауи тігін машиналары тігін өндірісінің мамандарына жаңа тәжірибе және сапалы жаңа өнім шығаруға үлкен мүмкіндік берері сөзсіз.

Екінші құзыреттілік – ол байланыс, телекоммуникация саласы бойынша ашылған «Талшықты-оптикалық байланыс желісі» атты тәжірибелік зертханалық кешені екі бөліктен тұрады. Бірінші бөлігі талшықты-оптикалық кабельді жерасты канализациялар арқылы және әуе жолдары арқылы төсеу, монтаждау жұмыстарын жүргізуге арналған стенд-тренажерлар, сонымен қатар көпқабатты ғимараттарында ТОК монтаждау стенд тренажерлары, арналарды тығыздалуға арналған стенд тренажерлерімен жабдықталған. Екінші бөлігінде әзірленген желілермен жүйелерді әкімшелендіру құзыреттілігіне арналған жиынтық орнатылған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.