Спорт саласының қызметкерлері коронавирусқа қарсы екпе алды

Бүгін Маңғыстау облысының спорт саласының 30 шақты қызметкері коронавирусқа қарсы екпе алды, - деп хабарлайды mangystaumedia.kz.

Бұл вакцинаны өзімнің денсаулығым үшін салдырдым. Індеттен аулақ болу үшін екпе алуымыз керек деп ойлаймын. Сақтықта қорлық жоқ. Болашағымыздың жақсы болғанын қалаймын, - дейді облыстық спорт басқармасының басшысы Қанат Жұмабаев.

Дәрігер вакцина алған азаматтарға бауыр, асқазан, өтке әсер ететін салмақ салмау керек екенін ескертеді.

Әркімнің организміне байланысты вакцинаның қосымша әсері болуы мүмкін. Вакцина салдырған спортшылар үш күн ішінде жаттығуды белсенді жасауға болмайды. Кәсіби спортшылар вакцинадан кейін физикалық күш жұмсауды азайту керек, - дейді Ақтау қалалық № 2 емханасының жалпы тәжірибе дәрігері Баян Есберегенова.

Облыстың спортшылары вакцина алуды бұдан әрі жалғастырады.

Махаббат Нұржанқызы

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.