«30 игі іс»: Балалар үйінде бүлдіршіннің тұсауы кесілді

«Nur Otan» партиясы ҚР Тәуелсіздігінің 30 жылдығына орай «30 игі іс» акциясы аясында «Jas Otan» жастар Маңғыстау облыстық филиалы мамандандырылған сәбилер үйіне арнайы барды, - деп хабарлайды mangystaumedia.kz.

Белгілі кәсіпкер Раущан Аймурзаева Гүлсезім есімді 1 жасқа толған бүлдіршіннің тұсауын кесіп, өзінің сыйлығын табыстады. Кәсіпкер балақайдың қадамына ақ жол, болашағына сәттілік тіледі.

«Бүгін біз партияның «30 игі іс» акциясы аясында мамандандырылған сәбилер үйіне Гүлсезім есімді балақайдың тұсауын кесуге арнайы келдік. Жасотандық жастар осыған дейін де әртүрлі мейрамда сәбилер үйіне келіп, бөбектерге қолдау білдіріп жүр. Осы жолы да балаларға тәттілер, ал балалар үйіне демеушілердің қолдауымен алынған шаңсорғышты сыйға тартамыз», - деді жастар қанатының төрағасы, облыстық мәслихат депутаты Наурызбек Мағдатов.

Шараға жас депутаттар, белгілі кәсіпкерлер мен белсенді жастар қатысты. Аталған шарадан соң жастар Ақтау қаласының тазалық сақшыларына салқын су мен тәттілер таратты.

img=95434,w=1000,u=0]

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.