Mańǵystaý Media
16+
Редакция
+7 (7292) 20 48 34
hat@mangystaumedia.kz
Құрық ауылындағы "Қарақия кәсіптік колледжінде өткен "WSA-2021" сайысында 19 түрлі сала мамандарынан құралған 80 студент бақ сынады. Бұл туралы Қарақия кәсіптік колледжінің директоры Далабай Бекмағанбетов мәлім етті, деп хабарлайды mangystaumedia.kz.
Сайыс шартында дәнекерлеу технологиясы, киім үлгілеу, кондитерлік іс, жеңіл автокөлікке техникалық қызмет көрсету мамандықтары да бар. Берілген тапсырма бойынша әр қатысушы өздерінің білімі мен шеберліктерін көрсетеді.
"Айта кететін жайт, біздің колледж жұмысшы мамандықтарының "Worldskills Kazakhstan" республикалық кәсіптік шеберлік чемпионатына 2016 жылдан бері қатысып келеді. Өңірлік және республикалық кезеңдердерде білім алушы жастар көптеген жетістіктерге жетіп, алдыңғы қатардан көрініп келеді», - деді Далабай Бекмағанбетов.
Сонымен қатар, кәсіптік шеберлік сайысына Құрық орта мектеп-гимназиясының оқушылары да қатысты. Жеңімпаз болғандар облыстық чемпионатқа жолдама алды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
