Аудан меретойы аясында Құрық ауылында жаңа ойын алаңы салынды. Көлемі – 150 шаршы метр. Мұнда жасанды шөп төселіп, 6 элемент және жарық шамдары қойылған, деп хабарлайды mangystaumedia.kz сайты аудан әкімдігінің баспасөз қызметіне сілтеме жасап.
— Осы жылғы жоспарға сай, кезекті ойын алаңы 1 ш/а 60, 61 үйлердің жанына орнатылды. Балалар ойын алаңы толықтай аяқталып қолданысқа берілді, - дейді ауыл әкімі Ғабит Салихов
Айта кетейік, осы уақытқа дейін салынып, тозығы жеткен ойын алаңдарын қайта құрылымдап, қалпына келтіру жұмыстары 2024 жылы жүргізілмек.
Ауыл тұрғындарынан балалар ойын алаңына сұраныс жиі түседі. Осы орайда жыл соңына дейін үнемделген қаражат есебінен тағы 1 балалар ойын алаңын Автобаза және Қазақ ауыл көшелерінің ортасына салу жоспарланған.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
