Қарақия ауданының 50 жылдық мерейтойы аталып өтті

Мерейлі мерекенің кеші «М. Жолболдин» атындағы саябақта жалғасты. «Тарихи-өлкетану» музейінің алдынан атқа мінген атбегілер, қыран - бүркіт ұстаған керуен көші көшені бойлай сән - салтанатымен тойға қарай бағыт алды, деп хабарлайды mangystaumedia.kz аудан әкімдігінің баспасөз қызметіне сілтеме жасап.

Кіреберісте, елу келін ауыл үлкендері мен құрметті қонақтарға сәлем беріп, шашу шашып, меймандарға дәм ұсынды. Ауданымызда жоғары жетістікке жетіп жүрген жас спортшыларымыз өз өнерлерін көрсетіп, шеберлік сағаттарын өткізді.

Бұдан бөлек, жағалай тігілген 16 қанатты үйлер мерекенің сәнін келтірді. Сонымен қатар, «қазақша күрес», «қошқар көтеру» сынды спорт түрлерінен спорттық жарыстар өтті. Жеңімпаздар мен жүлдегерлер бағалы сыйлықтармен марапатталды. Сондай-ақ, ауылшаруашылығы өнімдерінің жәрмеңкесі өтіп жатты.

Кешкісін, мерекенің мерейін асырған ән кешімен жалғасты аудан мерейтойына эстрада жұлдыздары, жерлестеріміз Ұлықпан Жолдасов, Болат Жолдасов, Фарида Жолдасова, Ақсұлу Құдабаева және «Диета.кз», Бауыржан Ретбаев, Бердібек Құлғараев, Мұрат Қожамен аудан өнерпаздары аудан тұрғындарын әнге бөледі.

Саябаққа жиналған халықтың қарасы көп болып, бірін - бірін мерекемен құттықтап жатты. Дүбірлі той соңы мерекелік от шашумен аяқталды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.