© Әлеуметтік желіден алынды
Қыркүйектің басында облыстағы барлық мектептерде жиналыстар өткізіліп, онда ата-аналарға мектептің ішкі тәртібі таныстырылып, мектеп формасының маңызы туралы айтылмақ. Мектеп формасының түсі әртүрлі болғанымен, білім мекемелерінің көбі қою көк түсті таңдаған, - деп хабарлайды mangystaumedia.kz.
Былтыр мұндай кездесулер мектептерде өткізілді. Мұнда 1-11 сынып оқушыларының ата-аналары шақырылып, олар жаңа оқу жылына дайындық, мектеп формасының ережелерін қарастыратын пактінің сақталуы туралы әңгімелесті.
«Қара не қою көк түсті таңдауымыз керек болды. Мектебіміз қою көк түсті форманы таңдады. Ата-аналарға қыздардың юбка, блузка, пиджак кию қажет екенін, күн салқындағанда классика шалбар киюге рұқсат етілетінін ескертеміз. Ұлдар классикалық шалбар менен ақ көйлек киюі керек. Күн салқындағанда водолазка киюге рұқсат еттік. Ата-аналар балаларының мектепке қандай киім киіп бару керек екенін сұрап, сынып жетекшілерімен үнемі байланыста болды» – дейді 12-орта мектептің директоры Жанна Анисова.
Мектеп басшысының айтуынша, мектеп формасы ең алдымен оқушыларды тәртіпке баулиды, оқуға ынталандырады.
«Қазіргі балалардың ерекше болып киінгісі келетіні анық. Бірақ ата-анасысы қымбат киім сатып алып бере алмайтын балалар бар. Сондықтан барлығы бірдей классикалық киім киеді деп шешілді. Әрине, ата-аналар балаларына қара форма сатып алса, ешкім ешкімді қуып жібермейді. Біз үшін ең бастысы – балалардың классикалық форма киюі».
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
