Қарақия ауданында 103 адам мұнай-газ кешеніне жұмысқа орналасты

Қарақияда жыл басынан бері жүздеген азаматтар өндірістік мекемелерге жұмысқа орналасты, деп хабарлайды mangystaumedia.kz аудан әкімдігінің баспасөз қызметіне сілтеме жасап.

Бұл туралы әкімдікте өткен брифингте аудан әкімінің орынбасары Манар Төлегенов мәлім етті.

«Аудандағы жұмыссыз азаматтарды жұмысқа орналастыру бойынша тиісті шаралар қабылданып отыр. Әлі де үздіксіз жалғасуда. «Маңғыстаумұнайгаз» АҚ және оған қарасты еншілес мекемелерге 103 адам жұмысқа орналасты. Оның ішінде «Маңғыстаумұнайгаз» АҚ-ның биылғы бөлінген орындар бойынша 30, «Техно Трэйдинг ЛТД» ЖШС-іне 8, «Маңғыстаумұнайгаз» АҚ қарасты мекемелерге 23, «Құрық порт» ЖШС-іне "Жұмыс жасаймын" жобасы арқылы 30 адам орналасты. Тағы да бос жұмыс орындарын күтіп отырмыз. «ҚазМұнайГаз» ҰҚ АҚ-ның тапсырысы бойынша «Ақсу КМГ» мекемесінің жүзеге асыруымен 50.000 кубтық су тұщыту зауыты салынады. Инфрақұрылым жұмыстарын жүргізу үшін уақытша жұмыс көзі ашылады деп жоспарлануда. Ашылатын вакансия саны - 96. «КМГ Секьюрити» мекемесі - 12 бос жұмыс орынын ұсынып, жұмысқа орналасу бойынша тиісті жұмыстар жүргізілуде, - деді аудан әкімінің орынбасары М.Төлегенов

Сондай-ақ, Құрық ауылына қарасты Саржа жеріндегі «Semurg invest» ЖШС және «Kaspi Grain Way» ЖШС-іне 8 бос жұмыс орыны ұсынылды. Қазіргі таңда түйіндемелері ұсынылған жұмыссыз азаматтармен әңгімелесу кезеңі жалғасып жатыр.

Сонымен қатар, «Маңғыстаумұнайгаз» АҚ арқылы арнайы 2 ай бойы оқыған азаматтар кезең-кезеңімен жұмысқа орналасады. Аудан бойынша кәсіпкерлікті дамытудың 2021-2025 жылдарға арналған ұлттық жобасы бойынша:

- 236 адам қоғамдық жұмыс орындарына;
- 16 адам жастар практикасына;
- 36 адам әлеуметтік жұмыс орындарына;
- 8 адам алғашқы жұмыс орынына;
- 27 адам «Күміс жас» жобасы бойынша орналасты. Жаңа бизнес идеяларды іске асыру бағытында 17 адамға қайтарымсыз грант беріліп отыр.

Бұдан бөлек, «Жұмыс жасаймын» жобасы бойынша 24 мекемемен келісім-шарт жасақталып, 269 адам жұмысқа жолданды, оның 53-і тұрақты жұмысқа орналасты, ал 130 адам өз еркімен жұмыстан босатылған, 86 адам жұмысын жалғастыруда.

Бүгінгі күні Enbek.kz сайты бойынша 13 мекемеден 69 бос жұмыс орыны жарияланған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.