Құрық ауылының көшелеріне 1417 дана заманауи энергия үнемдегіш жарық шамдары орнатылады, mangystaumedia.kz аудан әкімдігінің баспасөз қызметіне сілтеме жасап.
«Ауыл - ел бесігі» мемлекеттік бағдарламасы аясында Құрық ауылындағы көшедегі ескі шамдар толық жаңартылып, орнына энергия үнемдегіш лэд жарық шамдарды орнату жұмыстары басталды.
Алдағы уақытта 1417 дана жарық шамы Құрық ауылында толықтай орнатылмақ. Оның ішінде 400 дана жаңа электр бағанасы қойылады. Мәселен, «Helios» жанар-жағармай бекетінен бастап ауылға кіре беріс аумаққа дейін және бағана орнатылмаған көшелер енді түн ішінде тұрғындарға қолайлы болмақ.
«Жарық - ол әуелі түнгі мезгілде тұрғындардың қауіпсіздігі үшін аса маңызды. Кешкі мезгілде ауылымыз жап-жарық болып тұратыны анық. Биыл ауданның құрылғанына 50 жыл толып отыр. Бұл мерейтой аясында ауылға керемет тарту болып жатыр. Елдің игілігі үшін жасалып жатқан жұмыстарға ризамыз, - деді ауыл тұрғындары.
Бүгінгі күні жарықтандыру жұмыстары үздіксіз жалғасуда. Мердігер мекеме «БекАктауГазСнап» ЖШС-інің өкілдері жоспарға сәйкес жұмыстарын қыркүйек айында аяқтайтын болады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
