Былтыр облыста қауіпті індетпен ауырғандар санының өсуіне байланысты Мұнайлы ауданында 40 кереуеттік провизорлық стационар ашылған болатын, деп хабарлайды mangystaumedia.kz.
2 шілде мен 21 тамыз аралығында 25 медицина қызметкері орталыққа келген 684 науқасқа қызмет көрсетті.
Эпидемиологиялық ахуалға байланысты 10 қазаннан бастап провизорлық орталық 10 төсектік орын болып қайта жасақталды. 87 науқас қаралып, 27 адам амбулаторлық емге жіберілді. 15 ақпаннан бастап провизорлық орталық жабылып, өз жұмысын тоқтатты. Қазіргі уақытта инфекциялық залалсыздандыру жұмыстары жүргізілуде. Залалсыздандыру жұмыстары аяқталысымен санитарлық көмек көрсету орталығы бұрынғыша аудан тұрғындарын қабылдап, медициналық көмек көрсететін көрсететін болады, делінген хабарламада.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
