Маңғыстау облысындағы Теңіз жаяу әскерлері бригадасына 350-ге жуық әскери қызметші келді, - деп хабарлайды mangystaumedia.kz сайты Ақтау гарнизоны баспасөз қызметіне сілтеме жасап.
Жаңа сарбаздарды әскери бөлімнің қамтамасыз етудің барлық түрлеріне қойып, бөлімшелерге бөлінді. Олар қайта тереңдетілген медициналық тексеруден және психологиялық тестілеуден өтті. Бұл ретте әрбір әскери қызметшінің білім деңгейіне, мамандығының болуына, моральдық-адамгершілік ұстанымдары мен жеке ерекшеліктеріне назар аударды.
Қазір әскери қызметшілер жас жауынгер курсынан өтіп жатыр. Олар әскери даярлық негіздерін зерделеп, қызметке байланысты күнделікті жағдайларда іс-қимыл алгоритмдерін талдауда. Сонымен қатар теориялық және практикалық сабақтарды неғұрлым даярланған офицерлер мен сержанттардың арасынан іріктелген кәсіби нұсқаушылар жүргізеді.
«Жас жауынгер курсы бір ай бойы өтеді. Жаңа шақырылушылар үшін бастапқы оқу пәндері бойынша сабақтар, практикалық оқ атулар өткізіледі», - дейді Жас гвардияшылар жиыны батальонының командирі майор Қанат Аққожаев.
Алғашқы әскери дайындық кезеңінде жаңа шақырылушылар жеке құрамнан оқшауланған. Сабақтар санитарлық нормалардың сақталуын ескере отырып жүргізіліп жатыр. Жиын аяқталғаннан кейін әскери қызметшілер әскери ант қабылдайды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
