Таушықта ауыл шаруашылықты қолдау бағытында жиын өтті

Таушық ауылында «Атамекен» ұлттық кәсіпкерлер палатасының өкілдері ZOOM платформасы арқылы «Таушық ауыл шаруашылығы» ЖШС кездесу өткізді. Кездесуге Атамекен ұлттық кәсіпкерлер палатасының Түпқараған аудандық филиалы бойынша Жобаны сүйемелдеу жөнінде кеңесшісі Бердигулов Султангали қатысты. Кездесу барысында С.Бердигулов Атамекен ұлттық кәсіпкерлер палатасының жұмыс бағытын түсіндіріп, мемлекеттік бағдарламалардың орындалуы, ауыл шаруашылық кәсіпкерлерін және жалпы кәсіпкерлерді қолдау жөнінде ақпараттар берді.

«Егер сіздің кәсібіңізде қандай да бір кедергілер болса, салық жағынан кедергілерге тап болсаңыз және тағы басқа сол сияқты қиындықтар болған жағдайда Атамекен ұлттық кәсіпкерлер палатасына келіп, кеңес алуға толық мүмкіндік бар. Алдымен мәселенің мән-жайымен толықтай танысып, ақпаратын алғаннан кейін облыстағы заңгермен бірігіп мәселені заң жүзінде шешуге жұмыстанамыз. Нәтежелі жұмыспен қамту және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы «Бастау Бизнес» жобасы бойынша кәсіпкерлік негіздеріне оқыту аясында сертификаттаумен айналысамыз», - деді С.Бердигулов.

«Бастау Бизнес» жобасына қатыса алатын халық санаты:

1) Жұмыссыз болса, яғни, жұмыссыздар қатарында тіркеуде тұрған халық.

2) Жұмысқа шықпаған бала күтімінде отырған аналар.

3) Жеке кәсіпкерлер(ИП).

4) Зейнетке шықпаған азаматтар мен азаматшалар

Сонымен қатар онлайн форматта өткен кездесуде шағын және орта бизнеске арналған «Бизнестің жол картасы-2025» бизнесті қолдау мен дамытудың мемлекеттік бағдарламасын толықтай түсіндірілді.

«Сертификаты бар болған жағдайда несиенің үстеме пайызы туралы қойылған сұраққа сертификаттың жарамдылық мерзімі 3 (үш) жыл, жарамдылық мерзімі өтпеген жағдайда 4-6%-бен несие алу мүмкіндігі бар, несие алуға барлық құжаттарды жинауға біздер көмектесеміз, барлық қызметтің түрі тегін», - деді С.Бердигулов.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.